Bervenicë, 48,64 për qind e qytetarëve kanë votuar deri në orën 17:00

Në Bervenicë të Maqedonisë së Veriut është mbajtur rrethi i dytë i zgjedhjeve lokale të jashtëzakonshme, ku sipas 100% të vendvotimeve të përpunuara, dalja e votuesve deri në orën 17:00 ka arritur në 48,64% apo 7.902 votues. Krahasuar me rrethin e parë para dy javëve kur kishin votuar 39,34%, kjo shënon një rritje të daljes për 9,3%, ndërsa krahasuar me rrethin e dytë të vitit 2025 paraqet një ulje të lehtë për 0,23%.

Kryetarja e Komisionit Zgjedhor Komunal, Nedime Sallai, më herët gjatë ditës bëri të ditur se procesi zgjedhor po zhvillohet pa ndonjë parregullsi të evidentuar. Ajo kishte njoftuar se deri në orën 11:00 numri i votuesve kishte arritur në 2.245, duke shënuar një rritje prej 765 votuesish më shumë krahasuar me periudhën e njëjtë të raundit të parë.