Pse thirrje Berisha deputetëve për çdo minutë më 8 maj?

TIRANË — Kryetari i Partisë Demokratike, \1, u bëri thirrje deputetëve të grupit parlamentar të \1-së që të vijojnë përgatitjet për protestën e 8 majit, të cilën e cilësoi si "kryengritje paqësore" dhe si një ngjarje jashtëzakonisht të rëndësishme për opozitën shqiptare dhe shqiptarët.

Duke folur nga selia blu gjatë mbledhjes së grupit parlamentar të PD-së, Berisha kërkoi që "çdo minutë dhe çdo orë" t'i kushtohet organizimit të protestës. Ai argumentoi se qeveria e Edi Ramës nuk ka legjitimitet, pasi zgjedhjet, sipas tij, "janë vjedhur".

"Në mënyrën më të vendosur u bëj thirrje që çdo minutë, çdo orë t'ia kushtojmë përgatitjes së këtij akti të kryengritjes paqësore të 8 majit, si mesazhi më i rëndësishëm që ne u përcjellim shqiptarëve në kushtet kur përpiqen me çdo mjetet t'i dekurajojnë. Përpiqen me të gjitha mjetet të mbjellin terror në grahmat e fundit", tha Berisha gjatë fjalës para deputetëve.

Ai shtoi gjithashtu: "Të dëshmojmë se ne nuk pranojmë kurrë Edi Ramën, qeverinë e tij si të ligjshme, nuk ka asnjë legjitimitet për shkak të zgjedhjeve që ka rrëmbyer, për shkak të vjedhjeve me të cilat është kapur".

Sipas kryetarit të PD-së, protesta e 8 majit synon të dëshmojë se PD përfaqëson "zërin e ndërgjegjes së shqiptarëve" dhe se është "forca kryesore integruese dhe forca kryesore që punon për të ardhmen e këtij vendi". Mbledhja e grupit parlamentar të PD-së u zhvillua nga selia blu e partisë, ku kryetari iu drejtua deputetëve para protestës së planifikuar për 8 maj.

Burim: ATSH
— Redaksia ZHURMA