Berisha: Rama të japë dorëheqjen dhe të zgjedhë fatin e Ramiz Alisë
Kreu i Partisë Demokratike ka kërkuar largimin e kryeministrit në ditën e tretë të protestave, duke deklaruar se opozita do të mbështesë studentët.
Redaksia ZHURMA · · 1 min lexim
Kryetari i Partisë Demokratike, Sali Berisha, ka bërë thirrje që kryeministri Edi Rama të largohet nga detyra, gjatë një daljeje publike ku foli për protestat e studentëve. Sipas kreut të opozitës, Partia Demokratike dhe anëtarët e saj do të vazhdojnë të qëndrojnë në krah të protestuesve, pavarësisht veprimeve të qeverisë, policisë apo shërbimeve shtetërore.
Gjatë fjalës së tij, Berisha iu drejtua kreut të qeverisë duke përmendur fatin e ish-diktatorit rumun Nicolae Çausheskut dhe atë të Ramiz Alisë, ish-udhëheqësit komunist të Shqipërisë. «Sikundër, i sugjeroj që midis fatit të Çausheskut dhe fatit të Ramiz Alisë, të zgjedhë këtë të dytin. Rrugë tjetër nuk ka, të japë dorëheqjen», u shpreh ai, duke shtuar se asnjë provokim nuk do ta ndryshojë mbështetjen e opozitës për protestën studentore në mbarë vendin.
