Kush kërkon zgjedhje të reja në LDK?
Ai thotë se kryetari i LDK-së duhet të marrë përgjegjësi për rezultatin kur humbet zgjedhjet
Ismet Beqiri nga Lidhja Demokratike e Kosovës (LDK) ka reaguar për zhvillimet e fundit brenda partisë, duke kërkuar mbajtjen e zgjedhjeve të reja në të gjitha nivelet e saj. Beqiri ka thënë se në LDK ekziston një standard i vendosur ndër vite, sipas të cilit kryetari merr përgjegjësi pas humbjes së zgjedhjeve.
Sipas Beqirit, LDK-ja duhet të shkojë në zgjedhje të reja në të gjitha nivelet e saj, duke kërkuar largimin e Lumir Abdixhikut. Beqiri tha se ka qenë tradite që kryetari të marrë përgjegjësi për rezultatin. “Është krijuar një standard në LDK, kur i humb zgjedhjet Kryetari lëshon rrugë si përgjegjësi kryesor e pastaj edhe të tjerët.
LDK nuk është pronë private. LDK është e qytetarëve të Kosovës, e anëtarëve të saj; është aset kombëtar”, ka thënë ndër tjerash Beqiri.
Përndryshe, kryetari LDK-së Lumir Abdixhiku pas deponimit të nënshkrimeve nga disa delegatë për Kuvend të ri zgjedhor, ka thënë se ka autorizuar sekretariatin të fillojë përgatitjet për një Kuvend të tillë.
*Burim: Zëri, http://www.zeri.info/aktuale/630224/beqiri-kerkon-doreheqjen-e-abdixhikut-kur-humben-zgjedhjet-kryetari-leshon-rruge/*
*— Redaksia ZHURMA*