Begaj: Rezultati në Preshevë të kthehet në më shumë të drejta e barazi

Presidenti i Shqipërisë, Bajram Begaj, ka përshëndetur fitoren e koalicionit shqiptar në zgjedhjet e Luginës së Preshevës, duke e cilësuar atë si një arritje të rëndësishme për përfaqësimin politik. Në mesazhin e tij, kreu i shtetit ka vlerësuar se ky sukses përbën një fitore të bashkimit dhe të dinjitetit.

Sipas presidentit, ky zhvillim zgjedhor duhet të shërbejë si një mundësi konkrete për të përmirësuar pozitën e shqiptarëve dhe për të garantuar barazi. «Tani ky rezultat duhet të kthehet në më shumë të drejta, barazi dhe fund të diskriminimit», ka shkruar Begaj në rrjetet sociale.