Bedri Hamza mobilizon PDK-në për marshin “Kosova po pret”
Kryetari i PDK-së ka mbështetur marshin në mbështetje të ish-krerëve të UÇK-së.
Bedri Hamza, Kryetar i Partisë Demokratike (PDK), e ka mbështetur “Marshin për Liri”, që do të mbahet më 12 shtator, nën moton “Kosova po pret”, në mbështetje të ish-krerëve të Ushtrisë Çlirimtare të Kosovës, të cilët po gjykohen nga Gjykata Speciale në Hagë për krime të pretenduara lufte.
Përmes një video-adresimi në Facebook, Hamza u ka bërë thirrje të gjitha strukturave të PDK-së që të mobilizohen dhe të gjithë qytetarëve pa dallim partie që të marrin pjesë në marshin që organizohet katër ditë para shpalljes së aktgjykimit ndaj krerëve të UÇK-së.
Platforma “Liria ka Emër” njoftoi se më 12 shtator do të organizojnë marsh në mbështetje të ish-krerëve të UÇK-së. Trupi Gjykues në Gjykatën Speciale, më 16 shtator do të vendos për katërshen e UÇK-së.
Burimet: Vox Kosova ; Bota Sot; Gazeta Blic; IndeksOnline; Zëri; Ekonomia Online; Gazeta Express; Gazeta Metro ; Sinjali ; Lajmi.net; Veriu.info; Epoka e Re ; Radio Llapi; Zhurnal.mk; TV Prizreni; Koha.net; Tetova Sot (klaster 17 outlets).