BE: Qeveritarët shqiptarë ruajnë pasurinë, SPAK konfiskoi vetëm 100 mijë euro

Progres-Raporti i Komisionit Evropian për vitin 2026 ka nxjerrë në dritë një kontrast të fortë mes volumit të dosjeve të hetuara dhe produkteve reale të sekuestruara nga zyrtarët e lartë shqiptarë. Sipas të dhënave zyrtare, vlera totale e pasurive të sekuestruara dhe konfiskuara nga Struktura e Posaçme Antikorrupsion (SPAK) arriti 45.4 milionë euro gjatë vitit 2025. Megjithatë, vetëm 1.2 milionë euro rridhnin nga procedimet që shënjestronin korrupsionin e nivelit të lartë shtetëror. Konfiskimet reale për pushtetarët korruptuar u limituan në vetëm 100 mijë euro.

Komisioni Evropian ka kritikuar hapur faktin që vendimet për konfiskime pasurie pësuan një rënie drastike, duke zbritur nga 20 vendime në vetëm 8 gjatë periudhës së fundit raportuese. Raporti i vitit 2026 ka emëruar qartë tre fushat më të prekura: shëndetësi, teknologji e informacionit dhe infrastrukturë, të cilat kanë prodhuar disa prej dosjeve më të bujshme hetimore të SPAK-ut.