Barrot: Evropianët do të marrin pjesë në bisedimet për Ukrainën
Ministri i Jashtëm francez konfirmon praninë evropiane në takimin e Abu Dabit, ndërsa SHBA planifikon bisedime mes delegacioneve.
Redaksia ZHURMA · · Përditësuar · 1 min lexim
Evropianët do të marrin pjesë në diskutimet për Ukrainën që do të zhvillohen javën e ardhshme në Abu Dabi, deklaroi ministri i Jashtëm i Francës, Jean-Noel Barrot. «Evropianët do të jenë të përfaqësuar denjësisht; Franca do të jetë në Abu Dabi për të marrë pjesë në këto diskutime», tha Barrot gjatë një interviste për radion franceze RTL, duke shtuar se ende nuk mund të tregojë se kush do ta përfaqësojë vendin e tij, por prania është e sigurt.
I dërguari amerikan, Steve Witkoff, deklaroi se Uashingtoni do të mbledhë delegacionet nga Ukraina dhe Rusia në Abu Dabi më 10 dhe 11 nëntor. Qëllimi i takimit është diskutimi mbi dhënien fund të luftës, marrëveshjet e sigurisë për periudhën e pasluftës dhe uljen e tensioneve. Këto bisedime kishin ngecur që nga koha kur nisën sulmet mes Shteteve e Bashkuara dhe Izraelit kundër Iranit, të zhvilluara më 28 shkurt të këtij viti.
