Barcelona rikthehet në garë për Fisnik Asllanin
Dështon transferimi i sulmuesit shqiptar te RB Leipzig pas kontrolleve mjekësore, ndërsa Barcelona dhe Borussia Dortmundi shfaqin sërish interes.
DIASPORË — Transferimi i sulmuesit shqiptar Fisnik Asllani te RB Leipzig ka dështuar në momentet e fundit, pasi gjatë kontrollit mjekësor janë evidentuar probleme që kanë bërë që klubi gjerman të tërhiqet nga operacioni. 23-vjeçari i Hoffenheimit kishte arritur marrëveshje për klauzolën prej 25 milionë eurosh dhe pritej të nënshkruante deri në vitin 2031.
Pas dështimit të kësaj marrëveshjeje, Barcelona është rikthyer në garë për të monitoruar situatën e lojtarit, ndërsa në skenë mund të hyjë sërish edhe Borussia Dortmundi. Sezonin e fundit me Hoffenheimin, Asllani regjistroi 11 gola dhe 8 asistime në 35 paraqitje.
