Pse Baraliu thotë se partitë duhet të reflektojnë?

Profesori i së Drejtës Kushtetuese, Mazllum Baraliu, vlerëson se pavarësisht sjelljeve të deritanishme të liderëve politikë, ende ekziston shpresa për arritjen e një bashkëpunimi që do të mundësonte formimin e institucioneve të reja të vendit. Baraliu thotë se partitë politike duhet ta lexojnë mesazhin që ua kanë dhënë qytetarët në zgjedhjet e fundit dhe të reflektojnë në interes të shtetit, e jo të interesave partiake.

“Duke u bazuar në sjelljet e mëparshme, të paktën gjatë një viti e gjysmë, të këtyre liderëve dhe subjekteve politike, që sot thonë diçka e të nesërmen diçka tjetër, nuk është për të besuar shumë. Përkundër këtij fakti, unë jam i prirur të besoj që po, ka shpresa dhe duhet të ketë shpresë për bashkëpunim dhe për formimin e institucioneve.

Baraliu shton se dërgimi i vendit në zgjedhje të reja do ta dëmtonte edhe më tej besimin e qytetarëve në procesin demokratik. “Të shkuarit edhe në një palë zgjedhje të tjera do ta humbiste pothuajse në tërësi legjitimitetin e këtyre partive politike dhe do ta degradonte në masa të konsiderueshme, deri në absurd, kuptimin e demokracisë elektorale.

Profesori Baraliu konsideron se ekziston më shumë afinitet për bashkëpunim ndërmjet fituesit të zgjedhjeve dhe LDK-së, ndërsa nuk përjashton as mundësinë e reflektimit institucional nga deputetë të partive të tjera. “Siç duket, ka më shumë afinitet mes fituesit të zgjedhjeve dhe LDK-së, e cila tashmë ka një numër më të madh deputetësh.

Baraliu paraqet edhe dy opsione që, sipas tij, mund të çojnë drejt zhbllokimit të situatës politike. “Varianti tjetër është të ketë një tryezë politike të përbashkët ku do të merrnin pjesë të gjitha partitë për ta diskutuar dhe për të mbajtur një qëndrim. Për presidentin do të duhej të gjendej një kompromis rreth një figure konsensuale.

— Burim: Gazeta Dukagjini, https://www.dukagjini.com/
— Redaksia ZHURMA