Pse Baleti Kombëtar i Kosovës shfaqet në Austri dhe Itali?
Trupa prezanton shfaqjen "Terminal" dhe "Carmina Burana" për herë të parë në kryeqytetin italian
— Baleti Kombëtar i Kosovës do të vazhdojë prezantimin e artit kosovar në skenën ndërkombëtare, duke shënuar paraqitjen e parë në Austri dhe Itali. Më 15 korrik, trupa do të prezantojë shfaqjen "Terminal" në edicionin e 35-të të Internationale Bühnenwerkstatt und Tanztheater Festival në Graz të Austrisë. Më pas, më 18 dhe 20 korrik, "Carmina Burana" do të shfaqet në Romë dhe Lecce, duke shënuar edhe paraqitjen e parë të Baletit Kombëtar të Kosovës në kryeqytetin italian.
Zëvendësministrja në detyrë e Kulturës dhe Turizmit, Nora Arapi Krasniqi, tha se këto paraqitje dëshmojnë cilësinë e artistëve kosovarë dhe rolin e kulturës si urë bashkëpunimi dhe promovimi për Republikën e Kosovës, duke theksuar se ministria do të vazhdojë ta mbështesë prezantimin e artit dhe kulturës kosovare në arenën ndërkombëtare.
Burim: KultPlus, https://kultplus.com/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.