Bajrami përmend në Kuvend premtimet e vjetra të Kurtit për rrymën

Gjatë debatit për energjinë elektrike në Kuvendin e Kosovës, deputetja e Lidhjes Demokratike të Kosovës, Hykmete Bajrami, ka rikthyer në vëmendje deklaratat e dikurshme të kryeministrit Albin Kurti rreth rezervave të qymyrit dhe uljes së çmimit të rrymës. Sipas deputetes, kreu i ekzekutivit dikur premtonte se qytetarët do të paguanin më lirë energjinë, duke u bazuar në faktin se vendi ka rezerva të mëdha dhe se Kosova «flen mbi qymyr».

Gjatë fjalës së saj, Bajrami i është drejtuar ministres së Ekonomisë, Artane Rizvanolli, duke i kërkuar llogari për punën e deritanishme në krye të dikasterit dhe duke shtuar se ajo është për rreth gjashtë vite në këtë post. «Sot bëhen pesë vjet, 7 muaj e 22 ditë që ju jeni ministre e këtij dikasteri. Ju është dashur që të bëni diçka më tepër sesa të krahasoheni me të kaluarën. Por edhe me u krahasu me të kaluarën, nuk e kemi problem atë punë», ka deklaruar ajo, duke kritikuar mungesën e rezultateve konkrete dhe krahasimet e vazhdueshme me qeveritë e kaluara.