Avokati i Agasit: Klienti im nuk ka prekur financa publike
Avokati i Ergys Agasit, Maks Haxhia, deklaroi se mbrojtja kërkon dosjen hetimore dhe se klienti i tij nuk ka prekur financat publike.
Redaksia ZHURMA · · 1 min lexim
Avokati Maks Haxhia ka dhënë një deklaratë për mediat ku ka folur lidhur me çështjen e klientit të tij, Ergys Agasi, i cili u arrestua në kuadër të hetimeve të SPAK për dosjen e AKSHI-t. Sipas avokatit, mbrojtja kërkon t'i vihet në dispozicion dosja e plotë e hetimit, duke theksuar se pa të nuk mund të ngrihen pretendimet përkatëse.
Haxhia u shpreh se Agasi pretendon se është jashtë çdo ngarkese juridike dhe nuk ka përgjegjësi, pasi nuk ka mbajtur funksione të autoriteteve që menaxhojnë financat publike dhe nuk ka lidhje me tenderat.
