AUV nuk gjen vaj palme apo qumësht pluhur në mostrat e majit të Vitës
Si arriti Vita te marrëveshja me ministrin Muja dhe fermerët për vazhdimin e mbledhjes së qumështit deri më 13 korrik?
PRISHTINË — Agjencia e Ushqimit dhe Veterinarisë ia dërgoi Qumështores Vita rezultatet e mostrave të qumështit të marra në maj. Sipas publikimit, këto mostra nuk përmbanin vaj palme apo qumësht pluhur. Vita botoi edhe dokumentet përkatëse të lëshuara nga institucioni inspektues për këto mostra.
Mostrat e marra më 2 korrik janë ende në laborator. Ministri i Bujqësisë, Armend Muja, premtoi se rezultatet do të botohen jo më vonë se 13 korrik, siç u bë e ditur pas takimit ndërmjet përfaqësuesve të fermerëve, ministrit dhe përfaqësuesit të Qumështores Vita.
Në bazë të asaj marrëveshjeje, kompania u pajtua të vazhdojë mbledhjen e qumështit nga fermerët deri më 13 korrik. Sipas njoftimit të Vitës, vendimi u mor "për hir të fermerëve", bazuar në premtimin e ministrit Muja për publikimin e rezultateve të mostrave të reja.
Burim: Vox Kosova
— Redaksia ZHURMA