Çfarë thotë Vuçiq për krerët e Kishës Ortodokse Serbe në audioincizim?
Ermal Panduri publikon pjesë të bisedës së presidentit serb me ish-nënkryetarin e Graçanicës, ku ky i fundit kërcënon klerikë.
Redaksia ZHURMA · · Përditësuar · 1 min lexim
PRISHTINË — Moderatori Ermal Panduri ka publikuar një audioincizim të kapur nga organet e sigurisë, ku dëgjohet presidenti i Serbisë, Aleksandar Vuçiq, në bisedë me ish-nënkryetarin e Graçanicës, Serxhan Popoviq.
Në incizimin e siguruar nga RTV Dukagjini dhe i konfirmuar nga një përfaqësi diplomatike në Prishtinë, Vuçiq i thotë Popoviqit për krerët e Kishës Ortodokse Serbe: "këtyre që e sulmojnë shtetin e tyre, Teodosije, Sava Janjiqi dhe të tjerëve, nuk ua q**** nënën publikisht vetëm pse jam president i shtetit; përndryshe këtë do ta kisha bërë tashmë 30 herë".
Panduri njoftoi se sonte do të transmetohet vetëm një pjesë e materialit, ndërsa ditët në vazhdim do të publikohet i plotë. Sipas tij, Vuçiq ngre gjithashtu dilema se kush i financon krerët e Kishës Ortodokse Serbe në Kosovë. Organet e sigurisë së Kosovës janë në dijeni të komunikimit dhe po punojnë për të zbardhur detaje.
Burim: Telegrafi
— Redaksia ZHURMA
