Greqia arreston shqiptarin Adriano Bushi për atentatin e prillit në Patra

PATRA — Forcat speciale greke arrestuan 32-vjeçarin shqiptar Adriano Bushi në zonën e Ovryas, në Patra, pasi ishte shpallur në kërkim nga autoritetet greke. Arrestimi u krye në orët e para të mëngjesit nga policët e Departamentit të Hetimit të Krimeve, me mbështetjen e njësisë speciale EKAM dhe grupeve operacionale të DAOE.

Bushi dyshohet se është përfshirë në një atentat të ndodhur më 7 prill 2026, në zonën e Nea Souli në Patra. Sipas autoriteteve greke, ai së bashku me tre persona të tjerë kishte organizuar një takim me dy shtetas grekë pas një konflikti të mëparshëm; kur ata mbërritën në vendtakim, ndaj tyre u hap zjarr.

Njëri prej dy personave mbeti i plagosur rëndë, me plagë depërtuese dhe frakturë në këmbën e majtë. Prokuroria e Shkallës së Parë në Achaia kishte lëshuar urdhër-arrest ndaj 32-vjeçarit për vrasje me dashje në tentativë, si dhe për shkelje të legjislacionit mbi armët dhe lëndët plasëse.

Burim: Klan Kosova
— Redaksia ZHURMA