Arrestohet 23-vjeçari V.H. për shtatë vjedhje në kryeqytet

PRISHTINË — Policia e Kosovës ka arrestuar një person të dyshuar për vepra penale të vjedhjes, i cili tashmë është dërguar në mbajtje pas intervistimit. Sektori i Hetimeve të Kryeqytetit ka arritur ta kapë të riun 23-vjeçar pas një pune intensive hetimore dhe operacionale në Prishtinë.

Sipas njoftimit zyrtar, i dyshuari i arrestuar është identikuar si V.H., 23 vjeç, mashkull dhe shtetas i Republikës së Kosovës. Veprimi i policisë ka rezultuar pas hetimeve për shtatë raste të vjedhjeve të shënuara në kryeqytet, ndërsa masa e ndalimit është marrë në koordinim me Prokurorin e Shtetit.