Arrestohen dy persona në Pejë pasi fyen një grua dhe kanosën policët

Dy persona janë arrestuar në qytetin Peja, pasi fillimisht kishin fyer me fjalë banale një grua në një lokal dhe më pas kishin fyer e kanosur tre zyrtarë policorë. Sipas raportit të Policisë, rasti ka ndodhur gjatë orëve të mëngjesit, ndërsa të dyshuarit ndodheshin nën ndikimin e alkoolit gjatë kryerjes së veprimeve.

Gjatë procesit të arrestimit, njëri nga të dyshuarit dhe një pjesëtar i forcave të rendit kanë pësuar lëndime trupore, duke kërkuar kështu tretman mjekësor. Gjatë transportit drejt stacionit policor, i dyshuari tjetër ka vazhduar me kanosje ndaj zyrtarëve. Me vendim të prokurorit, të dy personat e ndaluar janë dërguar në mbajtje.