Aliu: Anulohet protesta kundër Kurtit, nuk morëm leje nga Policia

Protesta e paralajmëruar kundër kryeministrit Albin Kurti është anuluar, pasi organizatorët nuk kanë siguruar leje nga autoritetet policore. Organizatori Durim Aliu ka treguar se Policia ka kërkuar që çdo protestë të lajmërohet 96 orë përpara. «Jo, nuk ka protestë sot, pasi nuk kemi marrë leje nga Policia. Kanë kërkuar që protesta të lajmërohet 96 orë më herët», ka deklaruar ai.

Ky zhvillim vjen pas protestës së mbajtur më 1 nëntor para objektit të Qeverisë, ku po ashtu ishte kërkuar largimi i kryeministrit. Sipas organizatorit, shkaku kryesor i këtyre tubimeve mbetet gjendja e rëndë ekonomike në vend, ndërsa kërkesa kyçe është dorëheqja e kreut të ekzekutivit.