Alice Maselli nis romancë të re me atletin Gianmatteo Canfarelli
Ish-partnerja e ish-banorit të 'Big Brother VIP Kosova 4' nis një romancë me Gianmatteo Canfarellin
PRISHTINË — Marrëdhënia e saj me Klodin ka përfunduar prej kohësh, por duket se për Alice Masellin ka ardhur momenti për të nisur një kapitull të ri në jetën sentimentale, këtë herë me më shumë lumturi. Ish-partnerja e ish-banorit të 'Big Brother VIP Kosova 4', Klodit, tashmë nuk është më beqare, gjë që u kuptua përmes një imazhi domethënës të publikuar së fundmi.
Ka qenë vetë partneri i saj i ri, atleti dhe sportisti italian Gianmatteo Canfarelli, ai që ka ndarë në rrjetet sociale një fotografi mjaft private të dyshes. Në imazh, Alice dhe Gianmatteo shihen të përqafuar pranë njëri-tjetrit, ndërsa fotografia është shoqëruar vetëm me mbishkrimin 'Ops'.
Alice shihet me telefon në dorë teksa të dy realizojnë foton, ndërsa kjo pamje e afërt lë pak hapësirë për dyshime se mes tyre ka nisur një romancë e re. Kjo paraqitje publike vjen disa kohë pasi Klodi konfirmoi përfundimin e historisë së tyre të dashurisë.
Siç dihet tashmë, pas ndarjes nga Alice, Klodi ka rigjetur dashurinë pranë Elijonës, finalistes së 'Big Brother VIP Kosova 4', me të cilën krijoi një raport të fortë shoqërie gjatë qëndrimit brenda shtëpisë. Tashmë duket se të gjitha palët i kanë lënë pas kapitujt e kaluar dhe po shijojnë fillime të reja në jetën e tyre.
Burim: Insajderi
— Redaksia ZHURMA