Alarm i kuq në nëntë qytete të Italisë për shkak të nxehtësisë ekstreme

Autoritetet italiane lëshuan alarme të kuqe në nëntë qytete për shkak të valës së të nxehtit, ndërsa vendi po përballet me temperatura që parashikohen të arrijnë rreth 45 gradë Celsius. Paralajmërimet e nivelit më të lartë janë lëshuar për Barin, Cagliari, Campobasso, Catania, Latina, Messina, Palermo, Reggio Calabria dhe kryeqytetin Romë.

Ministria italiane e Shëndetësisë dhe autoritetet u kanë bërë thirrje qytetarëve, veçanërisht të moshuarve, fëmijëve dhe personave me probleme shëndetësore, të shmangin daljet në periudha të caktuara, pasi nxehtësia ekstreme paraqet rreziqe shëndetësore për të gjithë popullatën.