Aktivistja Marku kërkon çlirimin e vendit dhe largimin e kryeministrit
Protesta e madhe kombëtare paralajmërohet për 28 Nëntor, ndërsa gjobat ndaj qytetarëve cilësohen të paligjshme.
Redaksia ZHURMA · · 1 min lexim
Studentja Anjeza Marku, e cila është aktiviste në protestën e studentëve dhe qytetarëve, ka bërë thirrje për një protestë të madhe kombëtare që pritet të mbahet më 28 Nëntor. Gjatë një paraqitje publike, ajo theksoi rëndësinë e mbështetjes nga diaspora, duke vënë në dukje se gjysma e shqiptarëve jetojnë jashtë vendit dhe se ekzistojnë komunikime të vazhdueshme me ta.
Marku u shpreh se urojnë që ky të jetë Nëntori i Tretë dhe që kryeministri të japë dorëheqjen, me qëllim që vendi të festojë i çliruar nga personat që i kanë bërë keq Shqipërisë. Sipas saj, vendi duhet të çlirohet nga qeverisja e korruptuar, ndërsa u ndal edhe te masat ndëshkimore të ndërmarra ndaj qytetarëve në protestat paqësore. Ajo deklaroi se gjobat e vendosura janë krejtësisht të paligjshme dhe se ato nuk do t'i ndalin protestuesit.