Aktivistët protestojnë para Kuvendit për rastin e Arlinda Zekajt
Aktivistët kërkojnë drejtësi dhe përgjegjësi institucionale para Kuvendit, ndërsa Komisioni Hetimor shqyrton rastin e vrasjes së Arlinda Zekajt.
Redaksia ZHURMA · · Përditësuar · 2 min lexim
Aktivistët feministë janë mbledhur para objektit të Kuvendit të Kosovës për të kërkuar drejtësi për Arlinda Zekajn dhe përgjegjësi institucionale lidhur me trajtimin e rastit të saj. Gjatë këtij aksioni, protestuesit aktivizuan alarme përmes altoparlantëve në oborrin e institucionit dhe shkruan mesazhin «Drejtësi për Arlindën!» në hyrjen kryesore, duke u zhvendosur më pas edhe te hyrja e pasme e shfrytëzuar nga anëtarët e komisioneve.
Protesta u zhvillua në kohën kur Komisioni Hetimor Parlamentar për vrasjen e Arlindës u mbledh për të shqyrtuar veprimet dhe mosveprimet e institucioneve përgjegjëse para dhe pas tragjedisë. Në fokus të kësaj mbledhjeje ishin dëshmitë e kryetarit të Komunës së Pejës, Gazmend Muhaxheri, si dhe të përfaqësuesve të Qendrës për Punë Sociale në Pejë, përfshirë Toska Gegën, Durim Kelmendin, Shpat Morinën dhe Shpresa Lukajn.
Komisioni vendosi që dëshmia e menaxheres së rastit në QPS, Toskë Gega, të mbahet me dyer të mbyllura pas kërkesës së saj për të mbrojtur ndjeshmërinë e rastit dhe të dhënat që lidhen me një të mitur. Aktivistët kanë kërkuar që rasti të trajtohet me seriozitet të lartë dhe të zbardhen të gjitha rrethanat që çuan në ngjarjen tragjike.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar