Aktakuzë ndaj dy personave për mashtrim me transplantim veshke në Pejë

Prokuroria Themelore në Pejë ka ngritur aktakuzë ndaj dy personave, V.H. dhe A.K., të cilët dyshohen se kanë përfituar në mënyrë të kundërligjshme 134 mijë e 761 euro, duke mashtruar një person me premtimin se do t’i mundësonin kryerjen e transplantimit të veshkës në një spital në Turqi.

Sipas Prokurorisë, V.H. dyshohet se gjatë periudhës nga 26 maji 2021 deri më 29 shtator 2023, në fshatin Lubeniq të Pejës, është paraqitur rrejshëm si mjek në specializim në një spital në Turqi dhe i ka premtuar të dëmtuarit se do t’i mundësonte transplantimin e veshkës, ndërsa A.K. dyshohet se e ka ndihmuar në kryerjen e veprës penale duke e njoftuar të dëmtuarin me të.

Burimet: Epoka e Re; Koha.net; Ekonomia Online; Gazeta Blic; Klan Kosova (klaster 9 outlets).