Aksioni masiv për pastrimin e Shkupit mbahet dy herë në muaj
Kryetari i Qytetit të Shkupit, Orce Gjorgjievski, njoftoi se aksioni për pastrimin e qytetit do të zhvillohet rregullisht dy herë në muaj.
Redaksia ZHURMA · · 1 min lexim
SHKUP — Aksioni masiv për pastrimin e Shkupit ka vazhduar në më shumë se 50 lokacione në të gjitha komunat e qytetit. Ky aktivitet vjen pas nisjes së mëparshme të aksioneve për pastrimin e kryeqytetit në dhjetëra lokacione të ndryshme.
Kryetari i Qytetit të Shkupit, Orce Gjorgjievski, paralajmëroi se në këtë aksion janë përfshirë komunat, kryetarët e komunave, nxënësit dhe mijëra vullnetarë, të cilët po pastrojnë parqe, rrugë, shtigje për këmbësorë, zona publike dhe hapësira midis ndërtesave.
«Përsëri me mijëra vullnetarë, në të gjitha komunat e Shkupit, me një vullnet të fortë për të treguar se sa shumë ndryshime mund të bëjmë kur punojmë së bashku. Do të pastrojmë në më shumë se 50 lokacione – parqe, rrugë, shtigje për këmbësorë, zona publike dhe hapësira midis ndërtesave. Çdo lagje është e rëndësishme. Çdo pjesë e Shkupit meriton vëmendje, kujdes dhe një mjedis të pastër», u shpreh Gjorgjievski.
Gjorgjievski bëri të ditur se aktivitete të tilla do të organizohen dy herë në muaj, duke u bërë thirrje qytetarëve që të japin kontributin e tyre për një mjedis jetësor më të pastër dhe të mbrojnë qytetin e tyre.
