Aksident në Fier, tre të plagosur, drejtuesi në sallën e operacionit
Një automjet ka dalë nga rruga në bypass-in Mbrostar–Levan, pranë Spitalit Memorial të Fierit, duke plagosur tre persona.
Redaksia ZHURMA · · 1 min lexim
FIER — Një automjet tip “Volkswagen” ka dalë nga rruga në bypass-in Mbrostar–Levan, pranë Spitalit Memorial të Fierit, duke u përmbysur në kanal. Si pasojë, tre persona kanë mbetur të plagosur, përfshirë drejtuesin e mjetit, i identifikuar si Indrit Shyti, i cili ndodhet në sallën e operacionit.
Të plagosurit janë transportuar me autoambulancë në Urgjencën e Spitalit Rajonal të Fierit, ku po marrin ndihmë mjekësore. Sipas raportimeve të para, ata janë jashtë rrezikut për jetën.
Në vendngjarje kanë mbërritur forcat e Qarkullimit Rrugor, të cilat po menaxhojnë situatën dhe po punojnë për lirimin e kolonës së krijuar. Grupi i ekspertëve të kriminalistikës po heton shkaqet dhe rrethanat e aksidentit.
