Aksident në bypass-in Mbrostar-Levan: një plagosur
Një betoniere dhe një kamion përplasen në Fier, njëri prej drejtuesve ka frakturë në krah dhe është transportuar në spital.
Redaksia ZHURMA · · 1 min lexim
Një aksident automobilistik është regjistruar në hyrje të bypass-it Mbrostar-Levan, pranë Spitalit Memorial Turk në Fier. Në aksident janë përfshirë një betoniere dhe një automjet transporti, të cilat kanë përplasur me njëra-tjetrën. Nga aksidenti ka mbetur i plagosur njëri prej drejtuesve, i cili ka pësuar frakturë në krah dhe është transportuar me urgjencë në Spitalin Rajonal Fier. Përplasja ka shkaktuar vështirësi në qarkullimin e automjeteve, ndërsa policia po punon për zbardhjen e rrethanave.
