Policia hesht për aksidentin e rëndë në Astir, një i plagosur në koma
Policia fsheh ngjarjen ku dyshohet se janë përfshirë disa automjete dhe kanë mbetur të dëmtuar dy persona, njëri prej të cilëve ndodhet në gjendje kome
Redaksia ZHURMA · · Përditësuar · 1 min lexim
Një aksident i rëndë është regjistruar pak ditë më parë në autostradën pranë zonës së Astirit në Tiranë, ku dyshohet se janë përfshirë disa automjete dhe kanë mbetur të dëmtuar dy persona. Sipas informacioneve të siguruara nga redaksia e Maka.al, njëri prej të plagosurve ndodhet prej dy ditësh në gjendje kome, i shtruar në repartin e reanimacionit.
Pavarësisht rëndësisë së ngjarjes, deri më tani nuk ka pasur një njoftim zyrtar nga Policia e Shtetit për aksidentin, çka ngre pikëpyetje mbi mënyrën e raportimit dhe informimit të publikut. Redaksia ngre disa pyetje për autoritetet: Përse nuk ka ende një reagim zyrtar për këtë aksident të rëndë? Kush është personi që dyshohet se ka shkaktuar përplasjen? Cilat janë rrethanat e plota të ngjarjes?
