Aksidentohet një autobus turistik në Gjermani, dy të vdekur
Dy persona kanë humbur jetën pasi një autobus turistik është aksidentuar pranë Buchloe-s, në Gjermani.
Aksidenti ka ndodhur në Gjermani, në autostradën A96, midis nyjeve lidhëse Buchloe-Ost dhe Landsberg am Lech-Ëest. Dy persona kanë humbur jetën dhe një person tjetër është plagosur rëndë. 25 të tjerë kanë pësuar lëndime të lehta. Autobusi ka dalë nga rruga dhe është përmbysur pranë një kanali buzë autostradës. Policia ka konfirmuar se në aksident nuk janë përfshirë mjete të tjera. Grupi turistik që udhëtonte në autobus përbëhej nga 40 deri në 50 persona, kryesisht nga Filipinet. Forca të shumta të shërbimeve të urgjencës kanë mbërritur në vendngjarje dhe autostrada është mbyllur në të dyja drejtimet. Sipas raportimeve, aksidenti ka ndodhur herët në mëngjesin e së dielës, pak para orës 06:00 me orën lokale.
Burimet: Gazeta Dukagjini; Koha.net (klaster 2 outlets).