Ajshe Avdiji kalon nga pista e driftit në kinematografi

SHKUP — Ajshe Avdiji, e njohur si pioniere e automobilizmit sportiv dhe driftit në Maqedoninë e Veriut, ka kaluar nga pista e garave në kinematografi. Ajo do të interpretojë një rol në filmin më të ri artistik të titulluar “Tokë e Djegur”, i cili pritet të shfaqet për publikun e gjerë brenda dy muajve të ardhshëm.

Avdiji, e cila është themeluese dhe kryetare e Shoqatës Redline Tuning Drift, ka qenë e angazhuar prej vitesh në organizimin e eventeve automobilistike në rajon. Ky projekt kinematografik shënon hapin e parë të rëndësishëm në karrierën e saj artistike, ku do të luajë krah aktores protagoniste Ganimete Bytyqi-Lalushi.

Ky angazhim i ri dëshmon se talenti dhe guximi mund të hapin dyer përtej motorsportit. Avdiji thekson se zgjedh të ecë përpara me guxim dhe pasion, duke shërbyer si një shembull frymëzimi për të rinjtë dhe si një përfaqësuese e grave në fusha që tradicionalisht janë dominuar nga burrat.

Burim: Epoka e Re
— Redaksia ZHURMA