Agasi del të premten para GJKKO-së për seancën paraprake

DURRËS — Ergys Agasi do të dalë të premten në orën 09:30 para trupës gjykuese të GJKKO-së, në seancën paraprake të tij. Lajmin e bën të ditur gazetarja e Vizion Plus, Blerina Cene.

Agasi u arrestua një ditë më parë në rrugën e Plepave në Durrës, ku ndodhej në makinë me ish-efektivin Uljan Shpataraku. Prokuroria e Posaçme e akuzon atë, së bashku me biznesmenin Ermal Beqiraj, për përfshirje në një grup të strukturuar kriminal të dyshuar për manipulim tenderash të AKSHI-t, si dhe për pretendime për dhunë dhe pengmarrje.

Ndërkohë, Shpataraku është shpallur në kërkim që prej 6 gushtit, pasi kërcënoi me armë kamarierin dhe administratorin e një lokali në Dhërmi.