Çfarë tha Abdixhiku në hapjen e fushatës për zgjedhjet e 7 qershorit?
Kandidati i LDK-së për kryeministër kritikoi qeverisjet që pushtetin e shohin si pronë personale në hapjen e fushatës për zgjedhjet e 7 qershorit.
PRISHTINË — Lumir Abdixhiku, kandidati i Lidhjes Demokratike të Kosovës për kryeministër, hapi fushatën zgjedhore të partisë për zgjedhjet e 7 qershorit me një fjalim kritik ndaj klasës politike aktuale.
"Ky popull nuk mund të lodhet. Mund të zhgënjehet, por nuk pushon kurrë së ëndërruari për një Kosovë më të mirë", deklaroi Abdixhiku. Ai tha se qytetarët nuk heqin dorë nga shpresa për ndryshim, pavarësisht zhgënjimeve.
Abdixhiku kritikoi qeverisjet që, sipas tij, "pushtetin e shohin si pronë, e qytetarin si turmë". "Kosova e ka popullin më të mirë në botë. Le t'i japim udhëheqjen që meriton, jo mashtrues, jo përçarës, jo autokratë të vegjël", tha ai.
Kandidati i LDK-së shtoi se "punën tuaj të madhe si popull, arritjen tuaj si gjeneratë, po ua pengojnë çdo ditë politikanë komedianë".
Burim: Zëri
— Redaksia ZHURMA