Çfarë i kërkon Abdixhiku LDK-së mes presionit për dorëheqje?
Pse po rritet presioni brenda LDK-së për largimin e kryetarit pas rezultateve zgjedhore?
PRISHTINË — Kryetari i LDK-së, Lumir Abdixhiku, ka reaguar sërish publikisht në një postim ku kërkon "durim" nga bashkëpartiakët, në kohë që presioni për dorëheqjen e tij po shtohet brenda partisë pas zhvillimeve të fundit politike. Ai ka falënderuar kryetarët e degëve, nëndegëve dhe aktivistët për mbështetjen e marrë sonte.
"Mesazhet e juaja mbështetëse, publike e private, janë më shumë se çfarë mund të kërkoj unë dhe LDK", ka shkruar Abdixhiku, duke shtuar se "të gjithë ne jemi veçse kalimtarë në një mision shumë më fisnik". Ai e ka cilësuar çdo vështirësi në politikë si pjesë të procesit që "e provon karakterin".
"Ju ftoj në durim", ka shkruar ai, duke kërkuar që situata të mos shndërrohet në përçarje të brendshme. Ky reagim vjen pas kërkesave të disa strukturave të LDK-së për përgjegjësi dhe ndryshime në lidership pas rezultateve të fundit zgjedhore. Degë të LDK-së në Pejë e Lipjan e Istog i kishin kërkuar më herët dorëheqjen e tij.
Burim: Telegrafi
— Redaksia ZHURMA