16-vjeçari nga Kondova ndërron jetë papritur

Vdekja u konstatua pas një kohe të shkurtër, sipas njoftimit

Redaksia ZHURMA · 26 korrik 2026, 21:55 · Përditësuar 29 korr 2026, 07:37 · 1 min lexim

SHKUP — Më 25.07.2026, në orën 16:22, në SPB Shkup nga kompleksi i klinikave "Nënë Tereza" u njoftua se tek ata ishte sjellë pa ndjenja një 16-vjeçar nga fshati Kondovë, i cili pas një kohe të shkurtër kishte ndërruar jetë. Sipas njoftimit, ai kishte qenë së bashku me nënën e tij për vizitë te të afërmit në fshatin Hasan Beg, kur në një moment i ishte përkeqësuar gjendja dhe kishte rënë pa ndjenja. Mjeku ka konstatuar vdekjen pa shenja të dukshme dhune, ndërsa me urdhër të prokurorit publik trupi i të ndjerit u dërgua për obduksion.