15.932 lindje në Maqedoninë e Veriut gjatë vitit 2025
Pse po bie numri i lindjeve në Maqedoninë e Veriut dhe çfarë tregojnë të dhënat e reja?
SHKUP — Në Maqedoninë e Veriut numri i lindjeve ka shënuar rënie në krahasim me vitet paraprake. Gjatë vitit 2025 janë regjistruar 15.932 lindje, nga të cilët 15.850 ishin lindje të gjalla dhe 82 ishin lindje të vdekura, njoftoi Enti Shtetëror i Statistikave.
Numri i lindjeve të gjalla në vitin 2025 ka rënë me 1.3% krahasuar me vitin paraprak. Më së shumti lindje u regjistruan gjatë muajit korrik. Mosha mesatare e nënës në lindjet e përgjithshme është 29.8 vjeç, ndërsa në lindjet e para bie në 28.2 vjeç.
Sipas moshës së nënës, pjesa më e madhe prej 31.7% janë lindje të gjalla nga nënat e moshës 25–29 vjeç. Lindje më së shpeshti kanë pasur nga nënat e gjeneratës 1995, ndërsa 15 lindje janë nga nënat nën moshën 15 vjeç. Gjithashtu, 11.8% e lindjeve të gjalla janë jashtë martese.
Burim: Portalb
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.