Zjarri në Matiqan, Prishtinë, lokalizohet pa të lënduar

PRISHTINË — Një shtëpi dykatëshe me garazh në lagjen Matiqan të Prishtinës u përfshi nga zjarri mbrëmjen e 2 gushtit, por zjarrfikësit e lokalizuan flakët dhe nuk pati persona të lënduar. Ndërhyrja e shpejtë e brigadës bëri që zjarri të mos përhapej në objektet përreth.

Zëvendëskomandanti i Brigadës së Zjarrfikësve në Prishtinë, Abdusamed Shkodra, tha se njoftimi për rastin u pranua rreth orës 21:50. Ai bëri të ditur për Klankosova.tv se kulmi i shtëpisë ishte në flakë të mëdha, ndërsa ekipi kujdestar mbeti në terren për ta fikur zjarrin në tërësi.

Burim: Lajmi.net
— Redaksia ZHURMA