Çfarë ndodh me zjarret në Shqipëri?
160 vatra janë regjistruar nga data 22 qershor deri më sot, nga të cilat 127 raste në sipërfaqe me bimësie
— TIRANË — Zjarret në Shqipëri tashmë kanë djegur dhjetëra hektarë, por sipas Agjencisë Kombëtare të Mbrojtjes së Civile situata është nën kontroll. Nga mbledhja e Komisionit Teknik, kreu i Emergjencave Civile, Haki Çako pohoi se nga data 22 qershor deri më sot janë regjistruar 160 vatra në të gjithë vendin. Zjarret kanë qenë të qëllimshme, qoftë në djegien e mbeturinave apo dhe për kullotat. Fondet për forcimin e kapaciteteve janë të kufizuara, dhe ky kontribut i të gjithë strukturave dhe të gjitha kapaciteteve tona është i pavlefshëm pa një bashkëpunim, pa një reagim, por edhe një paralajmërim të hershëm i të gjithë komunitetit. Për mbrojtjen nga zjarret prej kohësh është premtuar blerja e avionëve zjarrfikës, por as këtë vit duket se nuk do të jenë në gatishmëri.
Gjatë vitit të shkuar në Shqipëri u dogjën rreth 56 mijë 300 hektarë pyje dhe kullota. Nëse dëshironi të mësoni më shumë, lexoni këtu për një lajm tjetër.
Burim: Klan Kosova, https://klankosova.tv/zjarret-ne-shqiperi-nga-22-qershor-jane-regjistruar-160-vatra-ne-gjithe-vendin/
— Redaksia ZHURMA