Zhernovski: Hetimi në SHBA ndaj Grenell ngre pyetje për takimet e Mickoskit

Anëtari i Bordit të LSDM-së, Andrej Zhernovski, ka deklaruar gjatë një conference për shtyp se hetimet në Shtetet e Bashkuara të Amerikës ndaj Richard Grenell ngrenë pyetje serioze rreth lidhjeve të kryeministrit Hristijan Mickoski dhe interesave të qeverisë maqedonase në Uashington. Ai përmendi dyshimet për përvetësim të miliona dollarëve nga një donacion për Qendrën Kenedy dhe shitjen e qasjes deri te presidenti Donald Trump.

Zhernovski kujtoi takimet e njëpasnjëshme që Mickoski dhe ministri i Jashtëm, Timço Mucunski, kanë pasur me Grenellin në Uashington, Shkup dhe në Konferencën e Sigurisë në Mynih, duke shtuar se i njëjti person ka punuar për vite me radhë për presidentin serb Aleksandar Vuçiq. Sipas tij, rasti lidhet me një rrjet më të gjerë interesash politike dhe biznesi ku ndërthuren ndikimet e Vuçiqit dhe Orbanit, ndërsa përmendi edhe firmën amerikane të lobimit „Valcour“ dhe raportet e dorëzuara në Departamentin e Drejtësisë të SHBA-së.

LSDM ka kërkuar përgjigje publike nga kryeministri Mickoski lidhur me natyrën e kontakteve të tij me Grenellin dhe për të sqaruar nëse gjatë atyre takimeve janë mbrojtur interesat e shtetit apo të individëve.