Zhegrova i jep fitoren Juventusit ndaj Chelseat në Hong-Kong
Sulmuesi i Kosovës shënoi golin e vetëm të ndeshjes 1-0 në stadiumin Kai Tak të Hong-Kongut, pas një asistimi nga Kenan Yıldız.
Redaksia ZHURMA · · Përditësuar · 1 min lexim
HONG-KONG — Sulmuesi i Kombëtares së Kosovës, Edon Zhegrova, shënoi golin e fitores për skuadrën e Juventusit më 5 gusht, në miqësoren prestigjioze ndaj Chelseat të zhvilluar në stadiumin "Kai Tak" në Hong-Kong. Kjo përballje u mbyll me rezultatin minimal 1-0 në favor të klubit torinez.
Zhegrova, i cili është pjesë e Juventusit prej një viti, u hodh në fushë si zëvendësues nga trajneri Luciano Spalletti. Goli vendimtar erdhi pas një aksioni të shpejtë, kur Kenan Yıldız shërbeu në hyrje të zonës së rreptësisë për futbollistin e kombëtares kosovare.
Lojtari goditi me saktësi duke e dërguar topin në këndin e sipërm të portës së mbrojtur nga portieri Mike Penders. Ky realizim i siguroi klubit torinez fitoren në miqësoren e parë të zhvilluar në Azi.
Burim: ATSH
— Redaksia ZHURMA
