Tolaj zgjedh Zvicrën në listën rezervë para Kosovës e Shqipërisë
Sulmuesi i Bristol Cityt është përfshirë në listën rezervë të Zvicrës, duke lënë pas interesimin e Kosovës dhe Shqipërisë.
Redaksia ZHURMA · · 1 min lexim
Sulmuesi Lorent Tolaj është përfshirë në listën rezervë të kombëtares së Zvicrës për ndeshjet e fundit të Ligës së Kombeve kundër Sllovenisë dhe Skocisë. Trajnerit Murat Yakin i është dashur të zgjedhë 28 futbollistë për sfidat e këtij muaji, ku spikat rikthimi i Granit Xhakës si lider pas suspendimit, si dhe përfshirja e lojtarëve si Breel Embolo, Miro Muheim, Ruben Vargas dhe Denis Zakaria. Përveç grupit kryesor, “Helvetikët” kanë bërë publike emrat rezervë, ku 25-vjeçari me prejardhje nga Kosova që lënë mbresa te Bristol City në Championship figuron krahas futbollistëve të tjerë shqiptarë, Uran Bislimi dhe Kastriot Imeri. Më parë, sulmuesi ka regjistruar 11 paraqitje dhe 11 gola me grupmoshat U17, U18 dhe U19 të Zvicrës.
Siç raportoi Zhurma më 3 nëntor 2026, sulmuesi i Bristol Cityt ishte në shënjestër të tri shteteve përfaqësuese, pasi Kosova, Shqipëria dhe Zvicra kishin shfaqur interesim për ta bindur që të vishte fanellën e tyre në arenën ndërkombëtare.
