Zhegrova s’është i lënduar, në Itali thonë se ka vetëm lodhje muskulore
Federata e Futbollit e Kosovës njoftoi se Edon Zhegrova u largua nga grumbullimi për shkak lëndimi, por mediat italiane raportojnë se bëhet fjalë vetëm për lodhje muskulore.
Redaksia ZHURMA · · 1 min lexim
Edon Zhegrova u largua nga grumbullimi i Kosovës për shkak të një lëndimi dhe nuk do të jetë në dispozicion për ndeshjen ndaj Irlandës, sipas njoftimit të Federatës së Futbollit të Kosovës. Megjithatë, mediumi italian «Gazzetta dello Sport» ka dhënë sinjale pozitive për gjendjen e futbollistit të Juventusit, duke raportuar se situata nuk është shqetësuese.
Sipas mediave italiane, në Itali konsiderojnë se bëhet fjalë për një lodhje muskulore e jo për një lëndim serioz. Zhegrova pritet të rikthehet në stërvitje, ku fillimisht do të punojë i ndarë nga grupi para se t'u bashkohet plotësisht bashkëlojtarëve dhe t'i nënshtrohet ekzaminimeve mjekësore.
Nuk përjashtohet mundësia e një rikuperimi të shpejtë të sulmuesit kosovar, në mënyrë që ai të jetë i gatshëm për ndeshjen e radhës të Juventusit kundër skuadrës së Venezias.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar