Zekirija Ramadani largohet nga Drita — trajneri konfirmon largimin
Trajneri shkupjan konfirmoi ndarjen me marrëveshje të dyanshme nga klubi gjilanas, me të cilin fitoi tri trofe që nga viti 2023.
GJILAN — Klubi i futbollit Drita ka ndarë rrugët me trajnerin e deritanishëm, Zekirija Ramadanin, pas një marrëveshjeje të dyanshme për shkëputjen e bashkëpunimit. Edhe pse lajmi nuk është konfirmuar ende zyrtarisht nga klubi gjilanas, vetë trajneri Ramadani ka konfirmuar largimin e tij, duke deklaruar se nuk kishte ndonjë arsye për shkarkim.
Gjatë periudhës së tij te bardhekaltrit që nga nëntori i vitit 2023, Ramadani fitoi tri trofe, duke përfshirë dy herë radhazi titullin e Superligës së Kosovës dhe një herë Superkupën. Nën drejtimin e tij, skuadra arriti deri në fazën e plej-ofit të Ligës së Konferencës, pasi kaloi fazën e ligës me tetë pikë.
Gjilanasit do të rikthehen në aksion më 6 gusht në San Marino kundër skuadrës Tre Fiori për fazën e tretë kualifikuese të Ligës së Konferencës, ndërsa ndeshja e kthimit do të luhet më 13 gusht në Prishtinë.
Burim: Gazeta Express
— Redaksia ZHURMA