Ilir Krasniqi ndan një mesazh falënderimi pas Ligës së Kombeve
Mbrojtësi i Kosovës ka reaguar pas përmbylljes së sezonit në Ligën e Kombeve.
Redaksia ZHURMA · · 1 min lexim
Mbrojtësi i përfaqësueses së Kosovës, Ilir Krasniqi, ka ndarë një mesazh emocional pas përmbylljes së sezonit në Ligën e Kombeve, duke falënderuar të gjithë personat që i kanë qëndruar pranë dhe e kanë mbështetur gjatë rrugëtimit të tij. Reagimi i tij vjen pas barazimit pa gola me Izraelin në shtëpi dhe disfatës ndaj Irlandës, ndërsa kombëtarja dardanë megjithatë qëndroi në Ligën B.
Futbollisti ka nënvizuar se rruga drejt suksesit kërkon përkushtim dhe se fanella e Kosovës mbetet një përgjegjësi e madhe. «Jo çdo betejë fitohet… por çdo betejë për Kosovën luftohet me zemër. Faleminderit nga zemra për mbështetjen dhe përkrahjen tuaj», ka shkruar mbrojtësi kosovar, i cili ishte një nga lojtarët e vetëm që i zhvilloi të gjitha ndeshjet e plota me Kosovën në këtë cikël.