Çfarë nënkupton VV me presidentin konsensual?
Nagavci bën të ditur se VV hap dyert e presidentit konsensual, jo të koalicionit.
PRISHTINË — Arbërie Nagavci, përfaqësuesja e Grupit Parlamentar të VV, deklaroi se partia e saj është e gatshme të diskutojë për një president konsensual dhe jopartiak. Në RTV Dukagjini, ajo tha se LVV mbetet e hapur nëse emri i konsenzusit do të ndihmonte në tejkalimin e ngërçit politik.
Nagavci theksoi se zgjedhja e presidentit kërkon bashkëpunim më të gjerë. Ajo deklaron se kandidatët partiak "nuk janë shembulli më i mirë… për shkak edhe të rolit unifikues që duhet të ketë". Praktika po na dëshmon çdo ditë këtë, shtoi ajo.
Përsa i përket një mundësie koalicioni, Nagavci deklaroi se aktualisht nuk mund të japë garanci. "Nuk mund të them sot që do të qeverisim me një parti tjetër," tha ajo. VV ka numrat e mjaftueshëm për ta votuar qeverinë, pa nevojë për mbështetje të jashtme, shtoi ajo.
Prioritet mbetet krijimi i institucioneve dhe gjetja e zgjidhjeve që sigurojnë stabilitet politik. Deklaratat e Nagavcit vijnë ndërsa skena politike vazhdon të diskutojë mbi presidentin dhe formimin e institucioneve. Burim: Telegrafi
— Redaksia ZHURMA
