Pse Vuçiq bojkoton 20-vjetorin e pavarësisë së Malit të Zi?

PODGORICË — Presidenti serb \1 ka deklaruar se nuk do të marrë pjesë në festimet për 20-vjetorin e pavarësisë së Malit të Zi, duke thënë se nuk dëshiron të festojë “shkëputjen nga Serbia”. Pjesëmarrja në një ngjarje të tillë, shtoi ai, do të ishte “si të pështyjë në fytyrën e vet”.

Retorika e Vuçiqit nxiti reagim të menjëhershëm nga Ministria e Jashtme e Malit të Zi. “Mali i Zi nuk u shkëput nga Serbia dhe as nuk ka qenë ndonjëherë pjesë e Serbisë në mënyrën si përpiqet ta paraqesë Vuçiqi”, thuhet në reagimin e diplomacisë malazeze, të cituar nga “Jutarnji”. Autoritetet malazeze theksuan se të dy shtetet kanë qenë pjesë të barabarta të unionit shtetëror pas shpërbërjes së ish-Jugosllavisë, ndërsa pavarësia e Malit të Zi i mundësoi Serbisë vazhdimësinë juridike si shtet i pavarur.

Ministria e Jashtme malazeze e quajti të papranueshme dhe politikisht të papërgjegjshme paraqitjen e përvjetorit si akt kundër Serbisë. “Mali i Zi nuk feston pavarësinë kundër askujt, por si shprehje të vullnetit të lirë të qytetarëve”, tha ajo.

Ministria e Jashtme e Serbisë reagoi duke thënë se Beogradi nuk mund të heshtë përballë përpjekjeve për të “relativizuar të vërtetën historike”. Diplomacia serbe shtoi se Vuçiqi nuk kishte thënë “asnjë fjalë të keqe” për Malin e Zi, por vetëm kishte shprehur mendimin personal për ndarjen e “dy shteteve vëllazërore”.

Mali i Zi iu kundërpërgjigj se nuk feston “humbjen e askujt”, por lirinë dhe të drejtën që të dy shtetet të vendosin në mënyrë të pavarur për të ardhmen e tyre. Më 21 maj, vendi do të shënojë 20-vjetorin e rikthimit të pavarësisë, me aktivitete festive që kulmojnë me pritjen e kryeministrit \1 dhe koncertin e Ricky Martin. Referendumi i 21 majit 2006 shënoi pavarësinë me 55.5 për qind vota pro dhe 44.5 për qind kundër.

Burim: Koha.net, https://www.koha.net/rajon/deklarata-e-vuciqit-nxit-perplasje-mes-malit-te-zi-dhe-serbise
— Redaksia ZHURMA