60-vjeçari vritet me thikë pas sherrit me fqinjin në Rrogozhinë

RROGOZHINË — Një konflikt i çastit i nisur mes dy fqinjëve ka përfunduar tragjikisht me humbjen e jetës së një 60-vjeçari mbrëmjen e së shtunës në Rrogozhinë. Sipas Policisë, ngjarja e rëndë ka ndodhur rreth orës 21:50 në lagjen “Mollaj” të këtij qyteti.

Dyshohet se shtetasit e identifikuar si M. M., rreth 25 vjeç, dhe fqinji i tij Rr. M., rreth 60 vjeç, janë përfshirë në një konflikt për motive të dobëta. Gjatë kësaj përleshjeje të çastit mes dy fqinjëve janë përdorur mjete prerëse.

Si pasojë e goditjeve me mjete prerëse, 60-vjeçari ka mbetur i plagosur rëndë dhe më pas ka humbur jetën. Pas marrjes së njoftimit për sherrin, shërbimet e Policisë kanë mbërritur me shpejtësi në vendngjarje.

Shërbimet e Policisë kanë bërë të mundur kapjen dhe arrestimin e autorit të dyshuar për këtë krim. Ndërkohë, Prokuroria e Durrësit po vijon veprimet për zbardhjen e plotë të rrethanave të kësaj ngjarjeje të rëndë.

Burim: Zëri
— Redaksia ZHURMA