Kobaj: Sherri për emrin e rrugës i merr jetën 27-vjeçarit
Pse nisi konflikti me mjet të mprehtë që i mori jetën 27-vjeçarit në Kobaj të Prizrenit?
PRIZREN — Një vrasje e rëndë ka ndodhur sot në fshatin Kobaj të Prizrenit, ku një 27-vjeçar ka humbur jetën. Viktima ka vdekur si pasojë e lëndimeve të rënda të shkaktuara nga një mjet i mprehtë që është përdorur gjatë konfliktit.
Sipas informacioneve të para, konflikti kishte nisur ndërmjet dy djemve të axhës në fshatin Kobaj. Ngjarja ndërmjet dy familjarëve ka degjenuar deri në përdorimin e mjetit të mprehtë, duke shkaktuar plagët vdekjeprurëse për 27-vjeçarin.
Raportohet se konflikti mes djemve të axhës kishte nisur si pasojë e mospajtimeve për emërtimin e një rruge në këtë fshat. Mosmarrëveshja e sotme për këtë çështje solli përfundimin fatal për të riun.
Burim: Demokracia
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.