Çfarë ndodhi me shqiptarin që u vra me armë në Suedi?
Policia suedeze po heton për të zbardhën e plotë të ngjarjes, ndërsa babai i viktimës shpreh dëshpërimin për vdekjen e të birit
STOKHOLM — Një ngjarje tragjike ka ndodhur në orët e vona të mbrëmjes të së dielës në Suedi, ku një i ri shqiptar është qëlluar me armë për vdekje. Viktima është identifikuar si Gent Maksutaj, mosha e të cilit nuk është bërë akoma e ditur, por thuhet të jetë rreth të 20-tave. Lajmi i trishtë është bërë i ditur nga reagimet prekëse në rrjet nga të afërmit e viktimës, të cilët shkruajnë se Genti është vrarë gabimisht.
Dyshohet se i riu shqiptar ishte kalimtar i rastit në momentin kur një përplasje mes grupeve kriminale ka agravuar deri në përdorimin e armëve që i mori jetën Gent Maksutaj. Zemërthyer për humbjen tragjike të të birit ka reaguar babai i Gentit në Facebook: "U presh në paqe djali jem. Përjetë në zemrat tona. Babi të do shumë".
Policia suedeze po heton për të zbardhën e plotë të ngjarjes dhe identifikimin e kapjen e autorit. Mediat suedeze raportojnë se policia u njoftua për të shtëna me armë rreth 9 të mbrëmjes të së dielës, në Kvarngärdet në Uppsala. Me të mbërritur në vendngjarje, Policia nisi me punën për zbardhjen e plotë të rastit dhe identifikimin e kapjen e autorit. Një person afro 18 vjeç është ndaluar në orët e para të mëngjesit të sotëm. Deri më tani shkaqet e ngjarjes mbeten të paqarta, por nuk bien pishtë dyshimet që ngjarja të ketë ndodhur nga përplasjet e grupeve kriminale, ashtu siç kanë pretenduar dhe të afërmit e viktimës.
Akoma nuk janë zbuluar detaje për ceremoninë mortore të shqiptarit, por pritet që familja të dalë me një njoftim. Autoritetet vendase po vijojnë me punën për zbardhjen e plotë të rastit.
Burim: Euronews Albania, Zhurma
— Redaksia ZHURMA