Votimi i hartës së re territoriale shoqërohet me përplasje fizike

Seanca e Kuvendit e cila solli miratimin e ligjit të ri për reformën territoriale u karakterizua nga tensione të larta dhe përplasje fizike mes deputetëve të opozitës dhe atyre të mazhorancës. Momenti i votimit u shoqërua me hedhjen e vezëve dhe bidonëve të ujit drejt kryeministrit Edi Rama, i cili u mor në mbrojtje nga garda e Kuvendit pas tensionimit të situatës. Rezultati i votimit elektronik u komunikua nga kryetari i Kuvendit, Niko Peleshi, i cili deklaroi se projektligji u miratua në tërësi.

Ky zhvillim vjen pas diskutimeve dhe polemikave të gjata rreth ndryshimeve në hartën e pushtetit lokal në Shqipëri. Sipas detajeve të bëra publike, reforma e re administrativo-territoriale konsolidon 28 bashki në 13 bashki të reja, duke shkrirë 15 bashki të vogla dhe duke e çuar në total numrin e bashkive në 46, nga 61 që ishin aktualisht. Struktura e re përbëhet gjithashtu nga 71 qytete përbërëse dhe 387 njësi administrative. Modeli i miratuar ruan bashkinë si njësinë e vetme të vetëqeverisjes vendore, me një kryetar, një këshill bashkiak, një administratë dhe një buxhet të vetëm, ndërsa prek gjithashtu bashkimin e bashkive Kavajë dhe Rrogozhino në Qarkun Tiranë dhe krijimin e një njësie të re administrative, Rinasin.