Si arritën studentët që provimet profesionale të mbahen në shqip?
Besar Durmishi njoftoi se qeveria ka pranuar kërkesën e studentëve pas protestës për provimin e jurisprudencës.
SHKUP — Pas protestës së studentëve për zbatimin e gjuhës shqipe në institucione, Besar Durmishi nga VLEN deklaroi se kërkesa e tyre është pranuar dhe se institucionet po punojnë për zgjidhjen e problemit.
Sipas Durmishit, çështja e mosdhënies së provimit në gjuhën shqipe ka mbetur e pazgjidhur prej vitesh. Ai akuzoi ish-pushtetin e Ali Ahmetit dhe BDI-së për neglizhencë, duke thënë se studentët "protestuan kundër një padrejtësie nga koha e BDI-së".
Durmishi njoftoi se gjatë ditës është zhvilluar një takim mes kryeministrit dhe drejtuesve të VLEN-it. "Provimet shumë shpejt do të jenë edhe në shqip", deklaroi ai. Ai kritikoi edhe pjesëmarrjen e ish-zyrtarëve të BDI-së në protestë, duke iu bërë thirrje studentëve të mos bien "pre e manipulimeve politike".
Burim: Telegrafi
— Redaksia ZHURMA